7.1. PROPOSATUTAKO IRTENBIDEAREN POSTERRA

Lehendabizi, proposatutako DISEINU BERRIAREN POSTERRA egin behar duzue. Bertan, erronka zein den eta definitu duzuen diseinu brief-a azaldu behar duzue. Ondoren, prototipoaren irudia eta deskribapen txiki bat gehitu behar duzue. Zer arazo konpontzen du? Zergatik da irtenbide ona? Pentsa ezazue horren inguruan, eta idatz ezazue deskribapenean. Horrez gain, nahi duzuen informazioa gehi dezakezue “bestelakoak” atalean.

 

 

Download

7.2. JARRAITUTAKO PROZESUAREN POSTERRA

Gogoratzen al duzu egun hauetan egindakoa? Eta egin duzuen prozesua? Ikus dezagun nola zabiltzaten memoria aldetik!

 

Idatz itzazu txantiloian, aurretik definitua duzuen erronka eta diseinu brief-a. Ondoren, osatu egin duzuen prozesuaren inguruko hausnarketa. Horretarako, saia zaitez galdera hauei erantzuten: What did I learn? and Zer ikasi dut? eta Zein baliabide erabili ditut?

 

Download

7.3. GONBIDAPENA

Irakasleak esan al dizue noiz eta non aurkeztuko duzuen egindako lana?

 

Zuen irakaslea aurkezpen-eguna antolatzen ari da zuok interesa duten guztiei zuen lanaren berri eman ahal izateko. Adibidez, udalari, gurasoei, senideei eta lagunei. Horretarako, gonbidapen bat prestatu behar duzue, aurkezpen-egunera jende asko bertaratu dadin.

 

Talde bakoitzak gonbidapen bat diseinatuko du, eta gelakideei erakutsiko diezue. Eztabaidatu ondoren, gelako proposamenetako bat aukeratuko duzue, eta hori izango da bidaliko duzuen gonbidapena.

 

Azkenik, gonbidatu nahi duzuen jendeari emango diozue. Ikastolako sare sozialetan ere publikatu dezakezue, edo ikastolako edo herriko iragarki-tauletan itsatsi.

7.4. AURKEZPENAREN PRESTAKETA

Horrenbesteko lana egin ondoren, aurkezpen-eguna prestatzeko garia iritsi da. Aurkezpen bat prestatuko duzue, eta bertan identifikatutako arazoa, egindako prozesua, proposatutako irtenbidea eta zuen prototipoa azalduko dituzue. Gogoratu prozesuaren posterra, prototipoa, argazkiak eta abar erabiltzeaz.

 

 

Aurreko informazioa kontuan hartu eta entseatu zuen aurkezpena, aurkezpen-eguna iritsi aurretik.